పల్లవి

ఎందుకో నన్నింతగా నీవు - ప్రేమించితివో దేవ
అందుకో నా దీన స్తుతి పాత్ర - హల్లెలూయ యేసయ్య      ||ఎందుకో||

చరనం 1 

నా పాపము బాప - నరరూపి వైనావు
నా శాపము మాప - నలిగి వ్రేలాడితివి
నాకు చాలిన దేవుడవు నీవే - నా స్థానములో నీవే   (x2) ||ఎందుకో||

చరనం 2  

నీ రూపము నాలో - నిర్మించియున్నావు
నీ పోలికలోనే - నివసించమన్నావు
నీవు నన్ను ఎన్నుకుంటివి - నీ కొరకై నీ కృపలో    (x2) ||ఎందుకో||

చరనం 3

నా మనవులు ముందే - నీ మనసులో నెరవేరే
నా మనుగడ ముందే - నీ గ్రంధములో నుండే
ఏమి అధ్భుత ప్రేమ సంకల్పం - నేనేమి చెల్లింతును  (x2) ||ఎందుకో||

చరనం 4 

నా శ్రమలు సహించి -  నా ఆశ్రయమైనావు
నా వ్యధలు భరించి - నన్నాదుకున్నావు
నన్ను నీలో చేర్చుకున్నావు - నను దాచియున్నావు  (x2) ||ఎందుకో||

చరనం 5 

నీ సన్నిధి నాలో - నా సర్వమును నీలో
నీ సంపద నాలో - నా సర్వస్వము నీలో
నీవు నేను ఏకమగువరకు - నను విడువనంటివి      (x2) ||ఎందుకో||